"आमा!, मे आई हेल्प यु ?", २१ बर्षिया स्लोभेनियाली यूवती मोयसाले घरबेटी आमापट्टि फर्केर मुस्काइन् जवाफमा घरबेटी आमाले पनि स्विकारोक्तिको ईशाराले मुन्टो हल्लाइन् । अनि ति यूवती धमाधम जुठा भाँडा लिएर मस्काउन थालिन् केहि समय पछि फेरि चुलेत्रो (एक प्रकारको काँडादार डाले घाँस) खुर्कन र काट्न थालिन् । फेरि दिउँसो "बाबा चिया" भन्दै घरबेटी बा लाई एक कप चिया बनाएर दिईन् । बा दंग देखिन्छन् । बेलुका बालबालिकाहरु सँगै धमाधम बालन नाच्नमा मस्त यी यूवती रमाइलो अनुभव सँगालेर फर्किईन् । ग्रामिण पर्या पर्यटनको सुरुवात भर्खरै भएको रसुवाको ज्याङ्गलाङ्गमा बालबालिकाहरुले यस्तै पर्यटकहरुबाट सांस्कृतिक कार्यक्रम मार्फत उठेको रकमले बाल पुस्तकालय र सांस्कृतिक केन्द्रको स्थापना गरेका छन् । व्यवस्थापन गर्न सके यो पर्यटकिय संस्कार ग्रामिण विकासका लागि कोशेडढुङ्गा सावित हुनसक्छ ।
